Dafina Zeqiri, e cila aktualisht vlerësohet si një ndër këngëtaret
më te kërkuara dhe më te paguara në Kosovë, ditë më parë ka udhëtuar
drejt Shteteve të Bashkuara të Amerikës.
Derisa nuk dihet nëse ajo është duke punuar në projekte të reja
muzikore, ajo ka sjellë risinë e parë nga atje, duke u shfaqur me një
stil të ri flokësh, që gjason shumë me atë që këngëtarja e famshme
Rihanna ka aktualisht.
Deri më tani flokët e saj i kemi parë bionde, brune, të kuqe, të
përziera me disa ngjyra bashkë, shumë të gjata, të drejta e kaçurrela,
por këtë herë Dafina i ka prerë ato më shkurtër se çdo herë tjetër.
Që nga paraqitjet e saj të para, Daffy është dalluar me mënyren e
paraqitjes në publik, duke i kushtuar gjithmonë kujdes të veçantë.
Megjithatë shpesh herë ajo është përfolur për ngjashmëritë e paraqitjeve
të saj, me ato të këngëtareve të popullarizuara në botë, si Ciara,
Nicki Minaj, Beyonce etj. /Indeksonline/
